新一季甲組聯賽本月月已開鑼，周六（29日）晚在廣福公園對戰的球隊是高力北區對東區。高力北區於開波約7分鐘即展開攻勢，在方俊業助攻下，由宏愷志先入一球，北區其後多次進攻，方俊業在5分鐘內更「梅開二度」連入兩球，東區在上半場完場前雖然曾埋門進攻，但無奈射失，北區上半場領先3比0。
【新聞有價 記者有格 立即訂閱：https://bit.ly/3wGQh7c】
下半場開波不久，因為東區門將一個「漏油」失誤，讓宏愷志近門射入；之後蕭俊銘在中場搶波後，即轉身射畀隊友羅俊仁，羅再出波畀近龍門的施素高，施素高然後一個頭鎚頂入；之後又到方俊業施展「帽子戲法」，將波射向遠柱入網，北區在下半場未夠15分鐘，已將比數拋離至6比0。
隨後北區換入廖憶成，雙方各有進攻，直至在臨完場前，羅俊仁再入一球，北區終大勝7:0，是新季至今第3場賽事仍未失波。
今場賽事除了由基哥旁述之外，身在英國的昇哥亦越洋觀賽旁述，趁賽事中場休息期間，他更帶觀眾「參觀」當地主教堂，大家若錯過可以重溫返呢！
