中國人壽香港超級聯賽第二十二輪今日（13日）上演，東方主場迎戰榜首球隊大埔，作客的大埔開賽僅6分鐘憑盧卡斯斯連下兩城，早早領先2比0，其後賀爾破網後追回一球完半場。下半場大埔再由伊高沙托尼射成3比1，不過東方未有放棄，馬希偉門前撞入，加上巴科爾射入12碼，最終雙方激戰90分鐘踢成3比3，各得一分。賽後大埔主教練李志堅認為，球隊未能守住勝果雖然可惜，但整體表現尚算理想，並直言首個失球本可避免。
【新聞有價 記者有格 立即訂閱：https://bit.ly/3wGQh7c】
東方排出米祖域、卡路士以及梁振邦坐鎮中路，馬高斯和馬希偉控制中場，為巴科爾及費利浦薩製造機會。大埔方面由盧卡斯、馬卡雷拿和伊高沙托尼組成三叉戟，陳肇鈞、帕特華維迪和羅振庭組成控制中場。
大埔開賽僅2分鐘就有收穫，賀爾回傳失誤，盧卡斯把握單刀機會射入，為客隊先開紀錄，4分鐘後，伊高沙托尼開出罰球，盧卡斯頂入，擴大比數至2比0。31分鐘，賀爾禁區外勁射死角破網，為主隊追成1比2完半場。
換邊後，大埔繼續主導節奏，49分鐘加比爾接應伊高沙托尼角球頂高。55分鐘，馬卡雷拿右路推進橫傳，陳肇鈞再分邊，伊高沙托尼窄位抽射得手，大埔再度拉開至3比1。60分鐘亞歷斯祖左路傳中，馬希偉門前撞入，迅速追成2比3。75分鐘，亞歷斯祖再度傳中，馬高斯頭槌攻門僅僅斜出。81分鐘，馬卡雷拿禁區內侵犯亞歷斯祖，裁判直指12碼點，巴科爾操刀射入，為東方追平比數至3比3。最終雙方未能再有進帳，各自帶走1分。
大埔主教練李志堅賽後表示，球隊早段領先但最終未能守住勝果，對被追和結果感到可惜，但整體發揮仍算理想。他指出，球隊後備人手略嫌不足，亦早有預料東方會在下半場反撲。他認為，首個失球本可避免：「唯一可以做得好啲嘅係第一球，賀爾嗰球遠射其實可以擋到。」
李志堅又補充，即使未能全取三分，但一分都可以接受，他表示：「攞一分唔算差，就算贏三分都唔代表肯定奪冠，輸波都未必失冠。今年仲有四場比賽，其他隊一樣可能失分，我哋都曾經輸過畀港會，東方都同港會打和過，今場結果唔算最壞。」
至於比賽末段東方獲判十二碼追平，李志堅坦言對判決有保留：「嗰球動作被放大咗，如果有睇VAR可能判法唔同。我唔明點解咁重要嘅比賽唔睇VAR，今場係焦點戰，應該嚴謹啲。不過，呢啲都係足球一部分，無得改變。」
#港超聯 #HKPL #大埔 #盧卡斯 #東方 #李志堅 #伊高沙托尼 #賀爾
#港超聯 #HKPL #大埔 #盧卡斯 #東方 #李志堅 #伊高沙托尼 #賀爾
