曾經歷兩段婚姻的樂基兒早前與一名「肌肉男」合照，即傳出有新戀情。她日前出席活動時指對方只是其經理人，又謂未有找另一半的計劃。
樂基兒、衛詩、馮允謙（Jay Fung）、雲浩影（Cloud）及陳穎欣日前出席護膚品聖誕活動，久未香港露面嘅樂基兒表示，配合愛兒假期返港度假，與家人歡度聖誕：「仔仔嘅禮物已經準備好，因為佢有佢嘅wish list，我就最想平安、健康，呢個係最好嘅聖誕禮物。」
提到愛兒，樂基兒笑得甜思思，透露媽媽早前越洋探孫睇表演：「佢好耐冇嚟探我哋，所以真係好開心！（仔仔有表演天份？比佢入行？）有冇表演天份就未知，因為佢仲細個，仲未識怕醜，但入唔入行就由佢自由發揮，我只想佢做個好人就得啦。」
早前有報道指她與「肌肉男」同行，更用雙手搭着男方膊上合照，對於被指有新歡，樂基兒說：「佢係我經理人，因為太耐冇喺香港工作，大家唔記得我身邊同事啲樣。（想有另一半？）依家小朋友仲細個，同埋做野都好忙，焦點未到呢個階段。」
